Dharkeenley
Degmada Dharkeenleey waxay ka mid tahay degmooyinka magaalada Muqdisho, waxayna xigtaa dhanka koofur galbeed. Waxaa waayadii danbe ku noolaa dad fara badan oo qaarkii ka soo qaxay Magaalada inteeda kale. Degmadu waxay ka kooban tahay xaafado badan. waxaana ku yaal saddex iskuul oo dawladeed oo kala ah dugsiga hoose dhaxe & sare ee Dhame yaasiin cartan, dugsiga hoose dhaxe & sare ee Cali Xuseen iyo dugsiga hoose dhaxe & sare ee Baarbe.
Masaajido badan ayaa ku yaala degmada sida misaajidka dabaqeyn, uunlaayo, masjidka Saldhiga.
sidoo kale Suuqyada caanka ah ee ku yaala Dharkeenley waxaa ka mid ah suuq boocle, Suuq yare iyo Suuqa weyn.
> Meelaha caanka ee dharkeenley
• Saladhiga Galbeed
• Tabakaayo madoow
• Shaneemo Muqdisho
• Garaashka macallin nuur
• Garaashka xaajigaboow,
• Tornada cisoow (biyo dageenka)
• Xoosh
• Exkontrool
> Goobaha Caalamiga ee ku yaala Dharkeenley
• Jaamacadda Ummadda Soomaaliyeed (Gaheyr) • Safaarada Mareekanka • Warshada daawada • Warshada hargaha
Dharkeenlay iyo wadajir markii hore waxay isla ahaayen hal degmo mar dambe ayaa labo degmo laga kala dhigay.
Degmada Dharkeenley waxay ku fiicanyihiin ciyaaraha isboortiska gaar ahaan kubada Cagta waxaana ay ahaayeen guuleystayaashii ugu danbeeyay ee ku guuleystay Koobka degmooyinka gobolka banaadir ayagoona ka qaaday degmada Waaberi.